მთავარი

მოცემული ბლოგი წარმოადგენს, ჩემ მიერ განხორციელებული აქტივობების ჩამონათვალს, რომელიც  ხელს უწყობს სწავლა სწავლების პროცესის გაუმჯობესებას, ჩემი მიზანია,იმისათვის, რომ ისტორიის სწავლება, სახალისო და მოსწავლის ინტერესზე ორიენტირებული გავხადო  გავუზიარო კოლეგებს, საკუთარი გამოცდილება და მივიღო მათგან უკუკავშირი, რომელიც დამეხმარება საკუთარი პრაქტიკის დახვეწასა და განვითარებაში, ბლოგზე განთავსებულია, განხორციელებული პროექტები, მოსწავლეთა მიერ დაწერილი ესეების ნიმუშები და სტატია სადაც, მნიშვნელოვანი რჩევებია ჩამოთვლილი,  სსსმ მოსწავლის ინდივიდუალური სამოქმედო გეგმა, ჩემ მიერ შექმნილი  სასწავლო რესურსები, თემატური გეგმები, შემაჯამებელი სამუშაოს ნიმუშები,  სხვადასხვა კლასში ჩატარებული საჩვენებელი გაკვეთილის გეგმები, სხვადასხვა აქტივობისათვის შექმნილი შეფასების ცხრილები.

საზოგადოებრივი მეცნიერებები ხელს უწყობს ცოდნის შეძენას, რაც აუცილებელია მოზარდის თავისუფალ პიროვნებად და პასუხისმგებლობის მქონე მოქალაქედ ჩამოყალიბებისათვის. სხვადასხვა საზოგადოებრივი მეცნიერების შესწავლა ეხმარება მოსწავლეს, რომ მსოფლიო კონტექსტში გაიაზროს  საკუთარი ქვეყნის სახელმწიფოებრივი, კულტურული, ეკონომიკური და პოლიტიკური ინტერესები.

საზოგადოებრივი მეცნიერებების სწავლების მიზნებია:

    ·      მოსწავლეს ცოდნა შესძინოს ისტორიის, გეოგრაფიის, სამართლის, ეკონომიკის, პოლიტიკისა და სხვა საზოგადოებრივი მეცნიერებების საფუძვლებში.
·      დაეხმაროს მას სამყაროს ერთ მთლიანობად აღქმაში და  მიმდინარე პროცესებში საქართველოს ადგილის განსაზღვრაში.
·      ხელი შეუწყოს მოსწავლის პატრიოტ და პასუხისმგებლობის მქონე მოქალაქედ ჩამოყალიბებას.
·      ხელი შეუწყოს მის თავისუფალ პიროვნებად და საზოგადოების სრულფასოვან წევრად ჩამოყალიბებას.
·      დაეხმაროს მოსწავლეს ჰუმანური მსოფლმხედველობის ჩამოყალიბებაში.
·      გამოუმუშავოთ მათ მტკიცე ნებისყოფა, განუვითაროს საგანგებო სიტუაციებში შეუცდომლად და უსაფრთხოდ მოქმედების უნარი, რათა მათ შეეძლონ ურთიერთდახმარება, საკუთარი და გვერდით მყოფის სიცოცხლის გადარჩენა სხვადასხვა სახის საგანგებო ვითარებაში. 

ჩემს მიერ შექმნილი ბლოგი კი ვფიქრობ დაეხმარება კოლეგებს, ესგ–თი გათვალისწინებული მოთხოვნების განხორციელებაში, ხოლო მე საშუალებას მომცემს, კოლეგების უკუკავშირის ფონზე დავხვეწო და განვივითარო პრაქტიკა.